Neujahrsgruß

Johreswechsel

A Johr isch rom; a nuis fangt a‘,
ond’s Leba, des goht weiter.
Ob’s andersch kommt? – mir wisset’s et.
Erfahrong hoißt’s macht g’scheiter.

Mir schaffet, hauset, duan o’s om
leant Weisheitszäh‘ ond Hoor bald.
Ond wartet insgeheim uff’s Glick,
uff’s grauße, - Johr fier Johr halt.

Doch seis‘ wia’s will! Ois woiß m‘r g’wiß:
A jeder muaß sei Päckle
au kenftig buckelranza trage,
sogar em Sonntigsfräckle.

S’wird äba drom am beschta sei‘
Du nemsch’s wia’s kommt, ond lasch Dir
beim Schaffa au a bissle Zeit,
mit Moß ond Ziel, verstoht sich.

Net hudla! S’Leba isch kurz g’nuag.
Wia schnell verfliagt a Johr !
Zeit braucht m’r au zom Glicklichsei‘,
sell isch ganz g’wies wohr !!

S’alt Johr isch rom ond a nuis fangt a‘.
Was hot’s mit ons am Huat ?
Ob’s friedlich isch ? M’r hoffet fescht
ond wenschet Euch des äller Bescht.

Ihr Schwäbischer Albverein – Ortsgruppe Steinenberg
mit den AV-Wanderfreunden Rudersberg

Corona Infos

Corona: Aktuelle Information

Alle Veranstaltungen und Wanderungen der Ortsgruppe Steinenenberg werden bis auf weiteres abgesagt.
Wir werden euch HIER informieren, wenn es wieder losgeht.

Aktuelle Informationen des Schwäbischen Albvereins zum Thema Corona-Virus gibt es HIER

Bleibt gesund !